ئەسسالامۇ ئەلەيكۇم ، بۈگۈن :
نۆۋەتتىكى ئورنىڭىز : باش بەت  »  تەربىيە  »  ئەخلاق تەربىيەسى
بۇ تۈردىكى تەۋسىيلەر
ئەخلاق تەربىيەسى
ئاياللارنىڭ ئورنى ۋە ئەيدىز
ۋاقتى : 2017-04-06 00:26:24  مەنبەسى : يارپ تورى  يوللىغۇچى : يارپ

نۆۋەتتىكى ئەيدىزنىڭ تارقىلىش ئەھۋالىدىمۇ ئەر-ئاياللار قالايمىقان جىنسى مۇناسىۋىتى ئاساسى ئورۇندا تۇرىۋاتقان ھالەتتە بولۇپ، ئەرلەرنى خالىغانچە جىنسى مۇلازىمەت بىلەن تەمىنلەيدىغانلار ئاياللاردۇر. چۈنكى، جىنسى مۇلازىمەتتە ئاساسەن ئەرلەر ئاياللارنى ئىزدەيدۇ. شۇنداقلا، جەمىيەتتە ئاياللارنىڭ ئەرلەرگە باسقۇنچىلىق قىلىشى ئەمەس، ئەرلەرنىڭ ئاياللارغا باسقۇنچىلىق قىلىشى يۈز بىرىپ تۇرىدۇ.

جىنسى تىجارەت ئورۇنلىرىدىن (پاھىشەخانىلاردىن) ياكى ھەر خىل سورۇن-سالاھىيەتتىكى جىنسى مۇلازىملاردىن ئەيدىزنى يۇقتۇرۇش-يۇقتۇرىۋېلىش ئېغىر ھالەتتە بولىۋاتىدۇ. ئەيدىز ئاياللاردىن ئاسان يۇقۇدۇ. ھەممەيلەنگە مەلۇمكى، جىنسى مۇلازىملار (پاھىشەلەر) ئاياللار بولۇپ، مۇشۇنىڭدىنمۇ ئاياللارنىڭ ئورنىنىڭ تۆۋەنلىكى بىلىنىپ تۇرىدۇ. چۈنكى، ئۇلار جان بېقىش ئۈچۈن تەن ساتىدۇ. ئىنسانلارنىڭ ھاياتلىق قانۇنىيىتىدە، مەدەنىيىتىدە تەن سېتىش ئامالسىزلىقتىن ئۆگىنىدىغان، يۈزلىنىدىغان قىلمىشتۇر. ئەمەلىيەتتىمۇ پاھىشەلەرنىڭ ئىرىشمەكچى بولغىنى نۇرمال ئەر-ئاياللىق ھېسسىياتى ئەمەس، بەلكى پۇل تېپىش ئۈچۈن ئەرلەرگە ئۆزىنى تاشلاپ بىرىشتۇر. ئەسلىدە ئاياللارنىڭ نىكاھلانغان ئائىلىسى، تۇتقان ئۆيى بولىدۇ ھەم بولۇشى كېرەك. ئەمما، نىكاھتىن بۇرۇن ياكى كىيىن پاھىشە بولۇپ كەتكەن ئاياللار ئۆز ئورنىنىڭ تۆۋەنلىكى، جىسمانى كۈچىنىڭ ئاجىزلىقى، خارلىنىشى، ئالدىنىشى، تاشلىنىشى سەۋەبلىك مۇشۇنداق يولنى تاللاشقا مەجبۇر بولغان دېسەك، بۇ ئەلۋەتتە ئەرلەرگە مۇناسىۋەتلىك بولغان بولىدۇ.

بۈگۈنكى دۇنيادا ئەيدىزنىڭ يامرىشى نىسبەتەن ئېغىر بولغان ھىندىستان، ئافرىقا جەمىيەتلىرىدىمۇ ئاياللارنىڭ ئورنى، قەدىر-قىممىتى خېلىلا تۆۋەن ھالەتتە بولۇپ، بىز ئۇيغۇرلاردىمۇ ئەيدىزنىڭ تارقىلىشىنىڭ باشقىلارغا سېلىشتۇرغاندا ئالدىدا تۇرىدىغانلىقى ھەممىمىزگە نامەلۇم بولمىسا كېرەك. ئاياللارنىڭ ئورنىنىڭ تۆۋەن بولۇشى ھەممە ئاياللارنىڭ ئائىلىسى بولۇش قائىدىسىنى ئاجىزلاشتۇرىۋېتىپ، نىكاھنىڭ سىرتىدا ياشايدىغان ئاياللارنىڭ بارلىققا كېلىشىنى يۈزلەندۈرۈپ، نىكاھ سىرىتىدا ئەيدىزنىڭ تارقىلىشىغا يول ئېچىپ بىرىدۇ. دېمەك. ئۇيغۇر جەمىيىتىدە ئەيدىزنىڭ نىسبەتەن كۆپ بولۇشى ئۇيغۇر مەدەنىيىتىدىكى ئاياللارنىڭ ئورنىنىڭ تۆۋەنلىكى بىلەن مۇھىم مۇناسىۋىتى باردەپ قاراشقا بولىدۇ.